زهرة الصبــــــار
                     ***

المَسَافَة بين صَحَارَى الصَّـمْت .. وبْحُور الكَلام  :
نـَفْس المَسَافـَة ِبالتـَّمَام .. 
      ِبين العَطَشْ ِوالارتوَاء  ،                                  

              والكبْريَاء .. والانحنَاء  ،
                       والانـْفلات ..  والاحْتوَاء !!

لكنْ بيفضَلْ شىء فى مُنتصَفْ الطـَّريق ..
           ِيقـدَرْ يبـلْ الرِّيق من الجُوف الغَميق  ،
              ِوينـَدِّى فى عرُوق الحَيَاة بالاخِْضرَار ِوالانـِْتشـَاء !! ،

وانتى الـِّلى وَاقـْفَة وصَابــِرَة فْ نُصْ الطـَّريق  ..
               ِبين الحَيَاه واللاحَيَاه ..  فى الإنتظـَار ..
                  يازَهرة الصبار يَاعَاشـِقة نَبـْض الحَيَاه ..  َويَّا الضِّيَاء !!

إنتى المُعَادْلة المُعْجزَة بين المَرَار العَلـْقَـَمى ..
                             وبين حَلاوة الاخضرَار ،
ِوانتى اللى بتشـَاهْدى القـَرَار المَلـْحَمى سَاعْة الفطـَام !!  ،
          ِوانتى اللى وَاقـْفَة وشَامـِخَة .. لحْظةْ مُوَارَاة العظـَام  !!                                                                                 

                                   ***

يَااااااازَهْرة الصبار .. أنَا العَاشقْ لآشوَاك الحَرير ،
ِوانتى اللى قـَادْرَة عَ الرِّيَاح ..  والزمْهَرير  ،
وانتى اللى قََـدَِركْ تِغـْـزلى بشمْس النـَّهَار..
                                     تـُوب لاحْتضَار  !! ،
ِوتفتـّـحى زَهْرةْ جَمَالكْ فى الليَالى ..
                    فى السُّـكُووووووون  ،              
                       وتمـُوتى لحْظة مَا ( الضِّيَا ) عَ الكُون ..        
                                                         يكُـــــون !!      
                                ***

                                            مُحَاوْلة /حَسنين السّيد حَسنين