الخَرَسْ  !!

ِبتمُوت حرُوفـْـنَا وْهىَّ طـَالعَة ..

                      فـُوق حبَال الحَنـْجَرَة !!

ِتسْقــَط ْفى ِبير الاغـِْـتيَال ،

ِوالاحـِْـتيَال

       أوْ ِباحْتمَال :

تـُخرُجْ قـَصيدَة حرُوفهَا تايْهَة مبَعـْـتَرَة ؛

مَصْلـُوبة فوق القنطـَـرة :

بين الارادة والمُحَاولة ‘

                وبين زنازين الحَرَسْ  ،

وحرُوفــْنَا يسْكُنـْـهَا الخـَرَسْ  ..

يسْكُـنْهَا بُوم الرَّمْـز ،

               ِورمُوز( الحَدَاثَــَـة ) ِوالكَيَاسَة ِوالحَذَرْ

والشـِّـعْر ايه ِغير الخـَـطَرْ ِوالِكبـْريَاء ‘

                                        ِوالانـْـتمَاء   !

ِمشْ مُوت حُرُوفـُه جَـنين فى بَطـْـن الانْحِنَاء ؛

أو وقفتـُه ببَاب الخَـليفة المُعـْتَِصمْ بالدَّبَّابَات ..

المُـنـْتـَِصرْ بالهرَّاوَات  ..

المـُلتزمْ ..  ِبسْـقـُـوط حرُوفنَا ِف بحُور السـُّـكَات ،

ِوالشـِّـعْر مَخـْــلُوق للغنـَـاوى

             فى الشـَّـوَاِرعْ والحَــارَات  !!

***

                    شعر/حسنين السيد حسنين

         رسالة : من بيرم التونسى

         الى /  زُورْبيـــــــح

        نشرت بجريدة الوقائع العربية 2005
        ( فى اسبوع التعديلات الدستورية للمـواد  76و77)

***

  بَعْد الَسِّنين اللىِّ هَدِّت ْ ..  قلبنَــــا المَوْجُـوع
 وعِْرفنَا ِفيهَاالفَلَسْ  ..  ِوالعَوْلمَة .. ِ والجُوع

  وعيُون دمُوعْهَا اشتكِتْ ..  ِواتفجَّرتْ ِبدْمُوع

  زُورْبيح  مكَلِْبشْ قَِوى..  ِوالاعترَاض مَمْنُوع !!

***

   فكَّرْت أبْعَتْ ِرسَالتى  ..  عَنْ طَِريق شُعَـرَاءْ

   نَازْفين ِبدَمْ الْوَطَـن ْ  ..  مَرْضَى ِبذَات الــدَّاءْ

   ِيمِْكنْ– ِبرَغْم العَسَسْ– تِوْصَلْ عَلَى اسِْتحْيَاء

   وتكـُون رسالتى نصيحة .. ومساهمة فى المَوْضُوع !!

***

   لََوْ كُنْت دَاخِلْ عَلىَ ( غفلة)  تقُول :   دَسْـتوُر

   أبْسَطْ قوَاعِـدْ أدَبْـنَا   ..   فِى الحَارَات ِوالدُّور

   ِوانْتَ اللىِّ جَـيْ ِبالصُّدَفْ..بَعْد (الِمنَصَّة) تزُور

   ِتطْوَلْ ِزيَارْتَـكْ ِوتِرِْكَبْ   ..  ِواللِّجـام مَقْطُوع !!

***

    عُمْر الزِّيَارَة مَاكَاِنت ْ .. (رُبْع قَـرْن )  رَذِيــل

  مَصْمَصْت ِفيهَا البَشَرْ .. نَشِّفْت مَجْـرَى النِّيــل

   لأ .. ِواللِّى زَاد ِفى النَّكـَدْ ِوالبَهْدَلَة ( يَاسئيل )

    تعديل بيضمن تمَسمَرْ ..   كُرسى الهَنا المَخْلُوع !!           

***

    جَىْ الطُّوفَان ِيكِْتِسحْ  .. وَلاَ مُعِْجزَات وَلاَ نُوح

   حَ يِشِيل تلوُل الزَّبَدْ    ..   ِمنْ شَطِّنَا المَجْرُوح

    لايفيد سَاعِتْهَا(الوَلَدْ) وَلا َ( بَرْلَمَان)  مَفْضُوح
    بيبيـــع حيطــان البلد ..   ويحَـــرَّم المَشْرُوع !!

***
     فانفـــدْ بجلـدَكْ وقلَّع  ..  قبل حدف الطـُّـوب

     ِويْلففُوك البَلَدْ  ..  فوُق ( الْحُمَـار ) مَقْلـُوب

     وَاخر النَّهَار ِتنِْجلِـدْ .. ِويْخَوْزَقوُك مَصْلـوُب                     

     ِويْقوُل جَبَرْتِى العَرَبْ: ظُلْم الشُّعُوب مَمْنُوع !!

                                             ***

                        

                    شعر/حسنين السيد حسنين

مَرْمَط ْزَمَانى.. يَازَمَانى مَرْمَط ْ!!

***

الدنيا ماشية والحمـــــــير فى المَــــرْبَط ْ

والخلق تايْهَة وعَ الرغيـــــف تتمَــــرْمَط ْ

والحَبْ لمَّــــا فى السًبح ْ  ..    يتفرفـَــــط ْ

الغفلة تُحكُمْ   ..   والجَهَِالــــة تسفسَــــط ْ

مرمط زمانـــــــى     ..     يازمانى مرمط ْ!!

مرمط ورقًـــــَّصْ عَ التيجَـــــان ا لــــدُّود

 واعْزفْْ ودَنـْــــــــدن فى الليالـــى ا لسُّود

                              تلقى الوتـــــــَـرْ فـى قلبنــــــا مشــــــْدُود

                              وبأى لمْسَـــــة  ..   عَ الحيطـــان نتنطط ْ

    مرمط زمانى       ..        يازمانى مرمط !!

مرمط ودَهْـــِـوس   ْ..    يازمن هلفـــُوت

وافرد قــــلوعك   ْ  ..    ع َالبشر والقوت

واضرب بسيـــــف القَســــوة والجبــرُوت

صحَّحْ خطايــا     ..   شرقــنا المتأوْسط

مرمط زمانـــــــى      ..    يازمانى مرمط !!

   مَااحْنَـــــــــا اللى قلنا وعـــدْنا فى الأمثــال

                               أجْدَعْ مثل  ..         وفْ كُلْ يــُـوم يتقــــال

     جَوَّع ْفى كلبــكْ      ..       يتبعك فى الحـَال

      ويشيل   ( مَدَاسَـــكْ  )  لوْ بزفـْــت ملغمـَط

         مرمَط زَمَانى       ..          يَازَمَانى مَرْمَط !!

نختار حَاكمنا وشاكمنا    ..     من المَرِّيخ

ونقول :  آمين لو يقول     ع البصل بطيـخ

نعدل ( قفانا )  وننضرب ْ     ..   طاخ طيخ

والكل يمشى ع العَجيــن      ..     مايلخبَـط

 مرمط زمانى         ..         يازمانى مرمط !!

يشهد علينا تاريخنا        ..  بعيد وقريب

من يوم (محمد على)  ..       وهو غريب

والجَى ْ غازى   فى  ( حملة )     للتأديب

ننده بُه ( حاكم )    ع البلاد     .. يتسيَّط

                               مرمط زمانى     ..         يازمانى مرمط !!

 

(  خوفـُـو  ) أمرنا  ..    فخفنا من الكُرْبَاج

نحزن  ..  ونبكى    ..       ونتقهر بمَــزاج

حتى (  الصبايا  )   ..      بالصدُور العــاج

يبقوا (   ضحايا  )  ..      بعد مابنوطـــوَط  ْ!!**

يبقوا   ( سَبَايا )   ..   للى راكب العَــرْش

ويفوح بخُورنـــــا    ..      للى مابيقدرْش

                             ويرُوح فى داهية   ..      دا للى مايبخرْش

                             والتهمة جاهزة    ..       ان ده بيستعبــَـط

    مرمط زمانى         ..        يازمانى مرمط !!

دى البَلوَة منا وفينا  ..   يا(  مَصْر  ) يِّين

محروسة والـلا  ( محَرْوسَة (    بالطيـــن

داالنيل حَ ينشفْ  ..     وتخرَسْ الطواحين

ياتفهمُونا وخللوا الأمـُــور    ..    تتظبـَّـط ْ

مَرمَط زمانى          ..       يازمَانى مَرْمط !!

ان جَاء    (  زَيدُ ُ) ..      تسبقه الرفاهيــة

أو حضَر َ   ( عمرو )     بالكلأ ..  والميَّــة

دالشعب   ( قـُـوته   )    و ( قوِّته ) حُرُِّيـة

 مش ْبالزنازن ْ   ..      والعَسَسْ يتحـــوَّط ْ

    مرمط زمانى     ..            يازمانى مرمط  !!

                                           ***  

               شعر   :   حسنين السيد حسنين

.......................................................................
**( يبقوا ضحايا بعد مابنوطوط !! )
الوطوطة : فى المعتقد الشعبى ( العـــــــادات القديمة  ) خاصة فى الريف ، 
هى ذبح ( وطواط/خفَّاش ) وتؤخذ دماؤه لدهن جسد الفتيات وهن صغيرات ،
فلا ينبت ( الشـَّـــعْر ) فى أجسادهن طول حياتهن .

الليل سَتـَّـار

***

منْ قلْب الليل ..

وسوَاد الليل

منْ قلْب الضلْمَة وحَوَاليَّا ..

                       خَفَافيش الليل  ،

وانَا مَاشى لوَحْدى فْ شَارعْ اسْودْ

                                    اسمُه الويل  ،

والليل سَتـَّار ..مَلْيَان أسْرَار

مَاتْـشُوفْهَا العين والدُّنْيَا نهَار ،

والكُلْ بيجْرى وَرَا اللقـْمَة الْمَغمُوسَة مَرَار ،

وانا ماشى ورَاكبْ ضَهْرى الهَمْ

                               كَأنى حمَار  !!

                                    ويَاريتنى حمَار !!

لكن مَعْلشْ..

          طَبْ مَاانَا قـُلت  : الليل سَتـَّـار

                                    والليل ستـَّار  !!

***

وانا مَاشى بَاصَفـَّرْ لَحْن حَزيـ ـ ـ ـ ــن

                                     كَمَا الأيـَّام  ،

والليل مَليَان :

حَوَاديت..  وكَلام  ،

           وفرَحْ .. وآلام  ،

                    وولادَة .. ومًوت ،

                             وعيُون مَاتنام ،

                                      وضَمير بينـَام  !!

الليل خلانى أقـُول : يَاسَلاَم ،

والله ياريتنى أكُون رَسَّام

أرسم بالريشة وبالا حْسَاس

 الليل والنـَّاس  :

 ـ   الناس الهَايْصَة فْ كَاس خمْرَة  ،
     وليالى حَمْرة ،

 ـ    والناس اللى دَايْبين ِم الشـُّووووق

                                         تَحْت القمَرَة  !!

 ـ     والناس النـَّايْمَة عَشَاهَا دمُوع  

       وبتشبَعْ جُوع  !!

        نايمين فى ضَلام ،

             ولا حتَّى شمُوع :

                 راضيين بالصَّبر  ،

                       ونار الصَّـــــــبْر ..

                               لحَدْ القبْر مَافيهـْش رجُوع  !!

ـ    والناس العَايشة ف وسْط الدُّنْيَا وزَىْ كلاب:

     تستنَّى اللقمَة الفَايْضَة تجيلهَا

                                 على الأبْوَاب !!

     حتَّى فْ يُوم ان جَاتْ بالفرْض  !

     فتافيت ماياكُلها الدُّود فى الأرض

     آه منك  ..  ياقوَانين الأرض  :

     اللقمة بتكْبَرْ للشبْعَان  ،

     والقرْش جَبَان ..

     ماينامش لوَحْدُه فْ جيب خَوْيَان ..

     القرش بيجْرى يرُوح عَ القصر  !!

     مايرُوحْش العشـَّة السَّاكن فيهاالخـُوف والقهْر ..

     مَاينَامْش فْ أحْضَان الفََـقر  !!

القرش جَبَان ..

ماينامش لوحدُه ف جيب خَوْيَان

ماينامش لوحْدُه فْ جيب مَوجُوع   !!

وانْ جه ..

      بيروح ع الدَّوَا والحُكَمَا وقتل الجُوع  ،

والقتل ف حالة الجُوع ..

                    مشــرُوع   !!

                       وَلا فيهش القاتل ..  يبقى مُدَان  ، 
                       وَلا مَحْكَمة ،

                           ولا قاضى وزنزانة وسَجَّان  !!

                                ***

لسَّة انا مَاشى لوَحْدى ف قلب الليل حَيْرَان

متشرد زى الكلب الأجرب

         مااعرف ليَّا كيان ..  ومكان ،

والفوانيس ف جناب الشارع ..

                    نـُورها بينعسْ ..عَ العمدَان   !!

                                ***

وف كبْد السَّمَا بيطـُلْ عَلَيَّا ..

                            قمر مخنـُوق

بحبال الضَّـىْ هنـااااااك مشنـُوق

بيلف بقى له سنين وسنين ..

بيْرُشْ وشاح الليل ..  تفانين

واحنا ياشعرا

             يافقــــرا

                   ياحُقـَــــــرَا

                          ندووووووب  مَجَانين ،

ونقول فى هَوَاه : دَوَاوين أشعَار ‘

ونتوه فى الليل ..

             والليــــل ستار  !!

***

والرٍّيح ..جَايبَالى حُوَا ر اتنين

                           من وسْط الناس :*

-       تعالى ياصاحبى نشرب كاس ،

  (  ونمـزْ )  انا وانت بسيرة الناس !

ماهو أصل الناس ..

           بسيرتنا انا وانت ..

                              بُكْرَة ( تمـزْ ):

      أما البنت ( فلانة ) عَليها ِحتــِّة ....... !!!
..................................................
..................................................
..................................................

***

.. والصًّمْت يلفْ الشـَّارعْ تَانى   ،

وامشى لوَحْدى مَعَ أحْزَانى  ،

والمحْ طيف ملفوف القـَدْ كَأنـُّه غَزَال

أسحَبْ قَلَمى عَشَان اكتبْ لُه ميت مَوَّال

أكتب عَنْ جَرحى اللى كَوَانى

أرصْ قصيدة املا بْهَا ديوَانى

يمكن يُوم ..

          يقرُوها الناس

وسط القعدة ويا الكاس  ،

ويقولوا :  الله يرحَمُه كَان شاعر ..

                  أو حَ يقولولوا عَليَّا حمَار  !!

طب مايقولوا  !!
            حَدْ سَامعْهُمْ  ؟

                 طَبْ مَاانا قلت  :  الليل ستار

                        والليل ستار  !! 
***

محاولة رصد :

                              شعر/حسنين السيد حسنين

ـــــــــــــــــــــــــــــــــــــــــــــــــــــــــــــــــــــــــــــــــــــــ
* مقطع تصوير ( شريحة ) فى المجتمع ..لافكاك منها !!

صرخة مصرى*

18/19 يناير 1977

(  1    )

          أنْهى درع .. وأنهـى سيف / يخرسُـوا الكلمَـة الشجَاعة
           أنهى باطل ..وانهــى زيف/ يقتلوا الجُـوع  .. والمَجَاعَة

                                   اقتلوا الجُـــوع ..بالرِّغيف / مش بغــــنوة .. فى الاذاعة

                                   ِحمْلى لَوْ شايلُه ( سيزيف )/كان حَ  يكْــفَرْ .. بالقناعَة !!                                  فانهـى درع .. وأنهـى سيف/يخرسوا الكلمة الشجاعة

***

(  2   )

                                 الرِّغيـف  لو كان قضـيَّة/ لازمــاً القاضـــى ..  يجُـــــوع                                  لاجْل يبـــــقى يحسْ بـــــيَّه / لمَّا اصْــرُخ     عَ الجُمُوع

           لمَّــا اجيلـُـــه وبيــن ايديـَّــه / صَحْن مَلْيَـان بالدمُــــوع

              مش يــرُدْ رصــاص عَليَّه/أو يدُوسْنى ..  بالبــــتاعَــة !!

            فانهى درع  وأنهى سيف/ يخرسُوا الكلمـة الشجاعة

 ***

(  3   )

            رَغْم عَطَشى .. ورغم جُوعى / قمت انادى فى الشوَارعْ

            شلت قلبى من ضلُـــوعى / قلت حَقِّى  ..ياللى ضَايــــــعْ

            ياااامحمـــد .. ياااااايسوعى  / إنقذونا  ..  من الفظايــعْ

                                   رغم عطشى .. ورغم جـوعى / صرخـتى ..كانت مشاعة !!                                                    فانهى درع .. وأنهى سيف/ يخرسوا الكلمة الشجاعـة

***

(  4   )

            علمُونى .. فى المـــدارسْ /  حَقى .. والخـــير والجَمَــــال
            علمُونى .. أبقـــــى فــــــارس / يــــدِّى رُوحـــه .. للنضَـال

             واعمل ايه و( الفقــر ) دايٍٍٍـس ْ / والأمل  ..  أصْبَــح خيَــال

                                  والفلُوس ..  من غيـر مَحَابسْ  / يصرفوها.. فى الــخلاعَـة !!

            فانهى درع .. وأنهى سيـف / يخرسوا االكلمةالشجاعـة

***

(   5   )

            وَضَّبُــوا لى .. فى الزَنَازنْ / بَسْ ( هَات ) النَّاس وحَـوِّلْ

                                 إبنوا شــادر .. للمَحَـازن/ افرضُـــوا ..  حَظْــر التجَــوُّل

                                 إعلنُوا فوق (  المَـآذن )  / إن ليلنــــا ..  راح يطـــوّلْ 

                                 اولعــُوا انتـُــو ( بجأز ٍ ) / إحنَا خَدْنَا خلاص .. مَـنَاعَـة

             فانهى درع .. وأنهى سيف / يخرسـوا الكلمة الشجاعـة

***

(  6   )

         إعلنـُـوهَا كلمــة وافيـــة  / مين بيُحْكُم فى البلَـــــــدْ دى
           ( مرعى ) واللا ( ابن وافيـة )*/ واللا ماشية  ( نقشبندى)

          أصلها ومُش عَاوزة قافيــة / أو فى حوجَـة لوصْفة (هندى )

          البلَدْ .. ِمن جُوعْــهَا : حَافْيَـة / واحْنا مُتـْـنا ف دى الشناعـَـة
           فانهى درع ..  وأنهى سيـف/ يخرسـوا الكلمـة الشجاعة

***

                                           تصوير شاهد عيان /                         
                              حسنين السيد حسنين                                 
                                       الاربعاء 19يناير1977
 كتبت هذا النص .. ردا على مقولة شائعة فى هذا الزمن الردىء على لسان الساداتى :
( على هذا البلد ان يأمن من خوف .. فلقد أصبح له : درع وسيف ) ..  وهو الجيش ، الذى أنزله الى الشوارع ليقتل متظاهرى ماأسمى ( بثورة الجياع !! ) وقال هو عنها انها ( ثورة حرامية !! )  .. وكتبت تلك المقاطع فى الشارع .. بل وكانت هتافاً على لسان الثوار !!  وكان يتولى نقلها مقطعاً بعد مقطع الى المتظاهرين : صديقى الشاعر الراحل/عرفة كيلانى .. رحمه الله .
  وكان حكم الشعب والتاريخ أقوى من كل الطغاة !!

ــــــــــــــــــــــــــــــــــــــــــــــــــــــــــــــــــــــــــــــــــــ
* رموز فساد فى تلك الحقبة من تاريخ مصر

وَعَدتْ بُرُوقِكْ.. ِبالـْـمَطـَـرْ !!

***

وَعَدتْ برُوقـِـكْ -  يَاحَبيبـْـِتى -  بالمَطَرْ  ؛

ووَعَدْت انا ِبالامـْـِتـثـال ِوالإنـْـِتظـار   ؛

وفَتَحْت قلبى للأمَانى  وللْــقـَمَرْ  ؛ 

 ووَشَمْت ِسدْرى بالـنَّهَار  ؛

 وفَرَدْت قـَلْعى لكُلّ ِريـــح ــ وَلَوْ خَطَرْ ــ

                              ِتوْصَلْ مَرَافِىء لانتصَار  ؛

 وقزَحْت فى  جُوف ِلانــِْصهَار :

 أملاً  فى ِندْعَة ِمن نـدَاِكِ ِوِمن ِضيَاِكِ  ..

        وأشـوف ِوشاحِكْ مَاِلى  ِسدِْرى ..  بالخَضَار  !!

***

وَعَدتْ برُوقك  بالمُنَى ِوالمُسْتَحيل ..

ودِليل نجُومِكْ – رَغْم ِغيــِمكْ–  بـيــْشاِورْ ِلى  عَ السَّبيل ؛

وأِميل  – ِفى حُبـِّـكْ –  فـُـوق تـُـرَاِبكْ  بالقـُـبَلْ ..
                                    فى خضُوع جميل ،

                                        وَاحْـِقـدْ الْـحِقــْد النَّبيل  !!

وعَليل هَوَاكِ – يَاهَوَايَا –  قِوِّتـُـه مَالْهَاش مَثِيل    !!

*** 

 

وَعَدِتْ برُوقكْ .. ِ وِالـْـوَفـَا ِبالوَعْد عَهْد  ؛ 

وِرَضَعْت  فى مَهْد التــَّـجَلـِّـى ِمنْ صُنُوف الحُبْ شَهْد ؛
وكَتبت  ورْد العَاِشِقين فوُق ضَـفـِّـِتين نَبْعِكْ ؛                        

                             ولمَّا أبعدْ .. أتابعكْ ..
                                     بالاشْتياق .. والوجد!!

                                             ***

محاولة شعر/حسنين السيد حسنين