قَصيدة تَخْريف .. إسْمََهَا : فـُولـُــــــوُبيف
...............من قصائدى المنسيَّة ................
منشورة فى 2009 وأنشدتها بالأمسيات الشعرية
ماأشبـــــــــــه الليلــــــــــــــة بالبارحــــــــــــــة
***
أنا مَصْرى شَِريف ولطيف وظريف ؛
ولْسَانى ــ برغْم رَدَاءة الحْكـْم ــ عَفِيف ..
حيَّرْت فلاسْفة هَذا العَالَمْ فى التَّوْصيف ،
ِواحْتَارُوا فْ كُنْية ْ هَذَا الكَائِنْ
كَاهِنْ مَرَّة . . وْمرَّة ِشيطان أمْرَدْ ومُخيف ؛
ورَهيف وعَنيف ،
ِولوَحَْدى بَنِيت أهْرَام – بالسُّخـْرَة – وأجْرَة رغيف ..
مَعْجُون بِالقَهْر وبالتَّخْويف ..
متْغَمِّسْ مَلْح العَرَقْ النـَّاضِحْ ( م ) التَّجَاويف ؛
وبانامْهَا خَفيف !!
وشربت ـ بخُطـْرى ـ عَكَار النيل عَلَشَان فرعُون
يوصَلْ لهُ نضِيف ..
أبْيَضْ وشَِفيف ،
ويسير بمواكبُه الفرْعْونيَّة . . فوُق المَيَّه كَنِسمة ِصيف
يمْنَحْ بَرَكَاتـُه الربَّانيــًـة لنُص رَعيَّة ..
قضُّـوا حياتهم فى التجديف ،
والنـُّصْ التانى واقف (عَ ) الضَّـفـَّة ..
(هَارى) كفوفه (م) التَّسِْقيف !!
***
.. ولانى شريف ولطيف وظريف ..
ملفوف بلفيف :
من أهل النخبة الصًفوة بيرصُدْ دب النََّمْل فْ كُلْ رَصيف
لاجل الأرشيف !!
وحَويط وحَصيف ..
من يقدر ياخد جُوه بطاقته لقب هتِّــيف ،
ويمارس كل طقُوس اللعبة فى التَّزْييف :
يصطف ف صف الحَرَسْ الرَّاعى ( كَلـْب ) أليف
مايكـُونش نشاز فى الجوقه ( يهَوْهَوْ ) بالتكليف ،
ويآمن طبعا - قبل داكُلـُّه – بالتوليف ،
وبـإن ( الورْث ) داشرع الـرَّب ومش تشريف ،
وبـإن النسل من الفرعون ..مخلوق دايماً للتخطيف ؛
ويكون بارع فى التستيف ..
موهوُب حريف ..
بيقول الكِدْب بكل الصِّدْق الكامن ْ- جُوَّه - فى التلافيف !!،
ويعُوم فى الكدب بدُون مَجَاديف ،
ويأكـِّدْ إن المولى - تمللى - حليم ورئيف ..
سُبحانه دايماً له تصَاريف ،
وبكل عنايته – بعت له حكُومة بالتوظيف
وبإن رئيسها ـ بكُـل المعنى اللغوى ـ ( نظيف ) !!
***
( جُمْلَة اعترَاِضيَّة – أوْ تَعْريف :
الكلمة هنا بمعناها ِصفـَـة ُ ُ أو تَوْصيف)
ماهياش اسمُ ُ ولا اسْقاط ُُ ُ ولاتحريف ) !!
***
ونعود لسياق النـًَـصْ الأصلى قبل مااضيف :
إن الــرَّبْ بعَتْ لـُه حكومة رئيسها نظيف :
فكره مآمن بالتجريف ..
لجيُوب وعقول الناس البـُسَطا وكل ضعيف،
ولكل الجَاى( م ) الغرب حليف ؛
وبدون مزادات .. وبدون مظاريف ..
بيبيع فى السر وفى الإعلان وبدون تسويف ..
لجميع أجزاء مصر المحرُوسة :
حضَــرْ .. أو .. ريـف !!
***
ولإنـِّى شريف ولطيف وظريف ..
باتفـرَّج على صندُوق الدنيا ف مولد سيدى على الغطريف ،
واقنع بشوية حُمُّصْ مقلى وراجع بيهم ،
ومخبِّيهم م ( الجندرمة ) وم ( العتاريف ) ،
وازعق ف مراتى تقوم مفزوعة من التخاريف :
احنا الطبقة العالية الأعلى ..
صَحـِّى عيالك : قومى عشــِّينا طبق ( فولوُبيف )
دالمصرى (حَ ) يفضل ــ مَهْمَا تضيق الحلقة ـ
شريف ولطيف وظريف ،
ويحيًر كل فلاسفة هذا العالم .. فى التوصيـف !!
***
مصرى شريف /حسنين السيد حسنين
ِواحْتَارُوا فْ كُنْية ْ هَذَا الكَائِنْ
كَاهِنْ مَرَّة . . وْمرَّة ِشيطان أمْرَدْ ومُخيف ؛
ورَهيف وعَنيف ،
ِولوَحَْدى بَنِيت أهْرَام – بالسُّخـْرَة – وأجْرَة رغيف ..
مَعْجُون بِالقَهْر وبالتَّخْويف ..
متْغَمِّسْ مَلْح العَرَقْ النـَّاضِحْ ( م ) التَّجَاويف ؛
وبانامْهَا خَفيف !!
وشربت ـ بخُطـْرى ـ عَكَار النيل عَلَشَان فرعُون
يوصَلْ لهُ نضِيف ..
أبْيَضْ وشَِفيف ،
ويسير بمواكبُه الفرْعْونيَّة . . فوُق المَيَّه كَنِسمة ِصيف
يمْنَحْ بَرَكَاتـُه الربَّانيــًـة لنُص رَعيَّة ..
قضُّـوا حياتهم فى التجديف ،
والنـُّصْ التانى واقف (عَ ) الضَّـفـَّة ..
(هَارى) كفوفه (م) التَّسِْقيف !!
***
.. ولانى شريف ولطيف وظريف ..
ملفوف بلفيف :
من أهل النخبة الصًفوة بيرصُدْ دب النََّمْل فْ كُلْ رَصيف
لاجل الأرشيف !!
وحَويط وحَصيف ..
من يقدر ياخد جُوه بطاقته لقب هتِّــيف ،
ويمارس كل طقُوس اللعبة فى التَّزْييف :
يصطف ف صف الحَرَسْ الرَّاعى ( كَلـْب ) أليف
مايكـُونش نشاز فى الجوقه ( يهَوْهَوْ ) بالتكليف ،
ويآمن طبعا - قبل داكُلـُّه – بالتوليف ،
وبـإن ( الورْث ) داشرع الـرَّب ومش تشريف ،
وبـإن النسل من الفرعون ..مخلوق دايماً للتخطيف ؛
ويكون بارع فى التستيف ..
موهوُب حريف ..
بيقول الكِدْب بكل الصِّدْق الكامن ْ- جُوَّه - فى التلافيف !!،
ويعُوم فى الكدب بدُون مَجَاديف ،
ويأكـِّدْ إن المولى - تمللى - حليم ورئيف ..
سُبحانه دايماً له تصَاريف ،
وبكل عنايته – بعت له حكُومة بالتوظيف
وبإن رئيسها ـ بكُـل المعنى اللغوى ـ ( نظيف ) !!
***
( جُمْلَة اعترَاِضيَّة – أوْ تَعْريف :
الكلمة هنا بمعناها ِصفـَـة ُ ُ أو تَوْصيف)
ماهياش اسمُ ُ ولا اسْقاط ُُ ُ ولاتحريف ) !!
***
ونعود لسياق النـًَـصْ الأصلى قبل مااضيف :
إن الــرَّبْ بعَتْ لـُه حكومة رئيسها نظيف :
فكره مآمن بالتجريف ..
لجيُوب وعقول الناس البـُسَطا وكل ضعيف،
ولكل الجَاى( م ) الغرب حليف ؛
وبدون مزادات .. وبدون مظاريف ..
بيبيع فى السر وفى الإعلان وبدون تسويف ..
لجميع أجزاء مصر المحرُوسة :
حضَــرْ .. أو .. ريـف !!
***
ولإنـِّى شريف ولطيف وظريف ..
باتفـرَّج على صندُوق الدنيا ف مولد سيدى على الغطريف ،
واقنع بشوية حُمُّصْ مقلى وراجع بيهم ،
ومخبِّيهم م ( الجندرمة ) وم ( العتاريف ) ،
وازعق ف مراتى تقوم مفزوعة من التخاريف :
احنا الطبقة العالية الأعلى ..
صَحـِّى عيالك : قومى عشــِّينا طبق ( فولوُبيف )
دالمصرى (حَ ) يفضل ــ مَهْمَا تضيق الحلقة ـ
شريف ولطيف وظريف ،
ويحيًر كل فلاسفة هذا العالم .. فى التوصيـف !!
***
مصرى شريف /حسنين السيد حسنين
