من مجموعة آخر المشوار !

ورفوف مكتبتي بتشبه أرفف مشرحة الموتى .. أو .. عُرف الإنعاش؛
وعيُون عناوين الكُتب المرصوصة .. فوق أرفف مكتبتي ..
بتـبُخ ( ف ) وشِّي نظرة لوم وعتاب ..
علشان لسَّــــة ماقريتهاش !
يمكن علشان .. مش لاقي براح في الوقت .. وكلِّي حروح
أو بمكن لاجل الملل الكامن جُـوَّة .. في تلافيف الروح ؛
واللا عشان العُمر بيجري
بيجري
بيجـري واصلُه خلاص
مابقـــــاش !!
ـــــــــــــــــــــــــــــــــــــــــــــــــــــــــــــ
من مجموعة : آخر المشوار
ـــــــــــــــــــــــــــــــــــــــــــــ

وتريات المغني العجوز: يأس !!

بيقولوا : ليلى في العراق مريضة )*
وانا اللي في القاهرة .. بانده على ( ليلاي ) بانده ولكن ندهتي .. مكسور جناحها ( مهيضةٌ ) ؛ واتمنَّى تسمع .. لكين ازَّاي ؟!