الرسالة الثانية

ِشهَادَة ِبين ايدين:

 زَرْقــاَء المَحْــرُوسَة

***

                             

..  ِوبَاكْــتبْ اليـكِ  ؛

ِوأشهدْ ِبأن الِكتابَة اليكِ ِبدَاية هُرُوب  ؛
وإنْ امتناعى ــ لوَصْل التواصُل ــ هروب م الكتابة !!
وإن الجلـُوس ــ بالسَّاعَات ــ بين إيديكِ

                                 لكَشف الخبَايَا ِفى منْجَمْ عينيـكِ ..
                     ِ                         بيسْحَبْ سَفينـْـتى .. ِلبَحِْر الكَآبَة !!

ِوأشهَدْ بأن الِكتابَة اليكِ دَليل اعْترَاف  ..

ِبصدْق النـُّـبُوُءَة ؛ ِوأوِّلْ حُلوُل السِّنين الِعجَاف ،

       ِ وَأوِّل                     سُــفوُر ِللوُشُوش المُريبَة  ،

                                         ِوأوِّلْ خُدُوش للِمرَايَة اللى تعِكسْ:
                                                                       وشُوش الغلابَة  !!

وأشهـَدْ ِبأن فْ ِنهَايْةِ الخَرَسْ  ..

                         ِ      ِبدَاية ْكَلام  ،

ِويثبَتْ ِلجَام الْــفرَسْ ِفى الزِّمَام  ،

              ومَهْمَا يزيد الحَرَسْ ِلاحتدَام  ..

                   ( حَ ) ِتنـْـطـَـقْ شفـَايفك ِلفكْ الطلاسِمْ ..
                                                       ِولـُـغـْـز السَّحَابَة !!

 

2

حَ ِتنطقْ شَفايفك  ..  ،

ِوتفضَحْ خطـُـوط التـَّـمَاس العَجيبَة ِفى كُل الدَّوَاِيرْ ،

ِوسرْ انتكَاس السِّيُوف المَهيبَة  ،

                  وتقدَرْ ِتشاِورْ – بكُلْ الأمَانَة –

                            عَلَى كُل ضاِمرْ ف قلبُه الِخيَانة ِولُُوءْم الدِّيَابَة !!

 

ِوِتشْهَدْ بأنك طلقِـْـتِ الاشـَـارَة ِلكُلْ الجُمُوع   :

تِمَتــْرِسْ درُوع الأمَان وِالسَّلاَمَة ،

ِوتحْمى الـضُّـرُوع -  الأِمينة -  اللى تسِْقى .. حَليب الكَرَامَة ،

ِوتحْرُس ْبيبَان المَدِينـَـة الـْـمَدِينـَـة ..

                   ِِبحَقْ الرِِّغيف النَّحِيف اللى يعْـِزفْ نَشيد ِللصَّبَابَة !!

 

وأشـْـهَدْ بأنك كَشفتِِ الغبَاء فى الزَّمَان الرَّدِىء :

-         زَمَان الوَلاء ِللبَريق ِفى الدَّهَبْ ِواغتيال الصَّديق !!

-         زَمَان اعْتِلاء الدَيوُل القـََـميئـَـة لكُل العُرُوش  !!

-         ِوحُبْ امِْتلاء الكُرُوش الدَّنيئَة بلَحْم الشعُوب ..

                                                             ِوكَسْر المَهَابَة !!

 

3

وأشهَدْ بأنك مَنَحِْتِ البشـَـارَة ِبَبَدْء الرُّعُود :

-   وعُود ِبالسِّقاية ِوزَخْ المَطَرْ ..

-   ِكتابة ِنهَايَه لْجَفَاِف الغيطاِنِ ِومَحْو الخطرْ..

-   ِبدَاية أغاِنى الحَصَاد ِللفسًاد ،

                          ِوكُلْ الرُّءُووس اللِّى صَابْهَا العَطنَ ْ ،

وَاقوُل :  يَاااااااوَطنْ   

      رعُودَك ح َتكشِف ْ– بِدَم ْالرِّجاَل – مَاخَفَىَ وْماَ بَطنَ  

                                           وأرْجَعْ أغنِّى بشعْر الجَمَال ،
                                                               ِوحلمِى المُحـَال ،

                                                                    وَاحُط ْالــرِّحَال ،

                                                                           وأبـــدأ كتابة !! 

***

                                     شعر/حسنين السيد حسنين

                                     مارس/ابريل 2009