• شطـــــــــــــرنج ( 3 )

ـــــــــــــــــــــــــــــــــــــ

فى ( النـَّقـْـلة ) دى : كِـشْ المَلِكْ !! ؛
وخَطـْوتكْ فى المَـرَّة دى .. مُشْ بالمَـزَاج ؛
وَلا إيد خفيـَّـة ( حَ ) تنفعَـكْ ؛
                       وتحرَّكَكْ بالزمْبَلكْ !!

(الطابية ) ثابتـَة فى المَكَان طـُول عُمرَهَا ؛
ولا يُوم ( تشير ) إنـَّـك ( حَ ) تحفُـرْ قبْـرَهَا ..
                    ( لـوْ ) بين إيديك مليُون ( وَزيـر ) !!
ولوْ تخَـادعْ بالـ ( بَيَـادقْ  ) ..
          كَالخَطَاوى ف أوِّلـــكْ ..
               فانْتَ اللى خسْرَان فى النهَاية لمَّا اقـُـول :
                                                        كِـشْ المَلكْ !!