شطــــــــــــــرنج :( 4 )
أنا لمَّا قـُـلـْت الدُّور عَليك ..
كَان بين إيديك كُلْ البيـَادقْ والبيـَارقْ والحَـرَسْ !!
تكْسَـرْ قانـُون اللعبــة ليه ؟
                           وازاى (  حَ  ) يسكُـننى الخَرَسْ ؟ ؛
والصَّــمْت ليه ؟ و(  فْ ) كُلْ ( نقـْـلاتك ) غلــط ْ ؛
واللعبة واضْحَة بدُون ( لبـطْ ) !!
وانا صَاحبْ ( الرُّقـعة ) الكبيرة والميدَان ؛
وانا اللى بَارْفَـعْ ( الأدَان ) وفى الكنيسة باضْـرَبْ  ( الجَرَسْ  ) !!
***
تلعَـبْ أصُـول : أنا مِلـْــك لَـَـكْ ؛
و( الطابية ) جاهزة ــ وبثبات ــ و ( حَ ) تـُزنقـكْ ..
                                               حين ٍ أقول : كِشْ المَـلِكْ !!

ــ الـــدُّورعَليــك !!

ـــــــــــــــــــــــــــــــــــــــــــــــــــــــــــ
محاولة شعر/حسنين اليد حسنين
ــــــــــــــــــــــــــــــــــــــــــــــــــــــــــ