وتريـات ..المُغَنِّى العجُوز
ـــــــــــــــــــــــــــــــــــــــــــــــــــ


كَسـَرْت ( الطِّفـْل ) جـُـوَّايا ..
عَشان لعبة ماهيش ( ليــَّة ) ؛
ولا .. بتـاعتى !!
ولا أملكْ سوى حِلـْمى العَبيـط بيهَا !! ؛
وفوق الحيط ..
فى آخــر ( حتــَّة ) منســيَّة ؛
ومطويـَّة فْ جدار قلبى .. أخطـَّـطْها وأرسمْهـَا بطباشيرى ؛
وأرسم فـُوقــهَا مَبـَـاسمْهـَـا ؛
والـوِّنها .. بتأثيــرى وتفسيرى ؛
وأرجـــع خطوتين قـُـدَّام .. أبـُصْ لهـا ؛
و ( أبـــِـلْ ) الريشة من قلبى ؛
واحـطْ رتـوش .. ؛
         واحُـطْ رمـوش ..
برغم انـِّى .. ماشـفْـتِشْ يـُوم ملامحْـهَا ؛
ولا شفتش .. ؛
       ولا حسـِّيت .. سوَى جمُوحهَا ؛
                         ولا اقدَرْشى .. وَلا أملـكْ ..
                                               سوَى صَمْتى  ؛
وأكسَـرْ ( طفـْلى ) جُــوَّايا ..
عشان اللعبة مش ليـَّة ؛
                     ولا بتاعـتى .. ؛
                            ولاأمْلُـكْ سوَى حِلْمى العَـبيط بيهـَا !!
ـــــــــــــــــــــــــــــــــــــــــــــــــــــــــــــــــــــــــــــــــــــــ
محاولة شعر/حسنين السيد حسنين
ـــــــــــــــــــــــــــــــــــــــــــــــــــــــــــــــــــــــــــــــــــــــ