ورفوف مكتبتي بتشبه أرفف مشرحة الموتى ..
أو .. عُرف الإنعاش؛
وعيُون عناوين الكُتب المرصوصة .. فوق أرفف مكتبتي ..
بتـبُخ ( ف ) وشِّي نظرة لوم وعتاب ..
علشان لسَّــــة ماقريتهاش !
يمكن علشان .. مش لاقي براح في الوقت .. وكلِّي حروح
أو بمكن لاجل الملل الكامن جُـوَّة .. في تلافيف الروح ؛
واللا عشان العُمر بيجري
بيجري
بيجـري
واصلُه خلاص
مابقـــــاش !!
ـــــــــــــــــــــــــــــــــــــــــــــــــــــــــــــ
من مجموعة : آخر المشوار
ـــــــــــــــــــــــــــــــــــــــــــــ
ليست هناك تعليقات:
إرسال تعليق